ఇంజనీరింగ్ బ్రాంచెస్ కంప్యూటర్ సైన్స్ అండ్ ఇన్‌ఫర్మేషన్ టెక్నాలజీ రెండు కోర్సుల మధ్య తేడా ఏమిటి?

కంప్యూటర్ సైన్స్ చదివిన వారు కంప్యూటింగ్ సంబందించిన దాదాపు అన్ని విభాగాలలోను ఇన్వాల్వ్ అవుతారు. అంటే ప్రోసెసర్, సర్క్యూట్ డిజైన్ మొదలుకొని సాఫ్ట్‌వేర్ డెవలప్‌మెంట్ వరకూ అన్నిటిలోను ప్రతిభ కలిగి ఉంటారు.
ఇన్ఫర్మేషన్ టెక్నాలజీ కేవలం డేటాను నిల్వ చేయడం, అలా స్టోర్ చేసిన డాటాను ట్రాన్స్‌ఫర్ చేయడానికి మరియు సురక్షితంగా తిరిగి పొందడానికి కంప్యూటర్లు మరియు కంప్యూటర్ సాఫ్ట్‌వేర్‌లను ఎలా వాడుకోవాలో అన్న విషయం పై ఫోకస్ పెడుతుంది.
ఈ సి.ఎస్.ఇ అండ్ ఐ.టి. ల మధ్య మెయిన్ డిఫరెన్స్ ఏంటంటే, ఐ.టి. నిత్య జీవితంలో కంప్యూటర్ టెక్నాలజీని ఎలా ఉపయోగించుకోవాలి అనేది డీల్ చేస్తుంటే, సి.ఎస్.ఇ. నిజ జీవితంలో ఉపయోగించే కంప్యూటర్ అప్లికేషన్స్ గురించి మరియు వాటి వెనుక ఉన్న విజ్ఞానం గురించి పరిశోధిస్తుంది.
ఇక ఇంజనీరింగ్ బ్రాంచెస్ అయిన సి.ఎస్.ఇ. అండ్ ఐ.టి. గురించి తీసుకుంటే,
సి.ఎస్.ఇ. స్టూడెంట్ సాఫ్ట్‌వేర్ మరియు హార్డ్‌వేర్ యొక్క ఇన్‌ఫర్మేషన్ సిస్టం ను డిజైన్ చేయడం, ఇంప్లిమెంట్ చేయడం మరియు మేనేజ్ చేయడం గురించి స్టడీ చేస్తారు. వీళ్ళకు ఉండే ప్రధాన సబ్జెక్ట్స్ లేక స్పెసలైజేషన్స్ ముఖ్యంగా అల్గారిథం, డాటా స్ట్రక్చర్స్, కంప్యూటర్ ఆర్కిటెక్చర్, ఆర్టిఫిసియల్ ఇంటెలిజెన్స్, రోబోటిక్స్, ఆపరేటింగ్ సిస్టంస్, ప్రోగ్రామింగ్ లాంగ్వేజెస్ మొదలైనవి.
ఐ.టి స్టూడెంట్స్ కంప్యూటర్ సిస్టం మరియు అప్లికేషన్స్ యొక్క ఇన్స్టలేషన్, డెవలప్మెంట్ మరియు ఇంప్లిమెంటేషన్ గురించి స్టుదీ చేస్తారు. ఐ.టి. వాళ్ళ ప్రధాన సబ్జక్ట్స్ డాటా స్ట్రక్చర్స్, అల్గారిథం, మైక్రో ప్రోసెసర్, నెట్‌వర్కింగ్, డాటాబేస్, ఇంటర్‌నెట్ టెక్నాలజీస్ మొదలైనవి.
ఇక జాబ్ విషయానికి వస్తే, సి.ఎస్.ఇ. చదివిన వాళ్ళకు ఐ.టి. వాళ్ళతో కంపేర్ చేస్తే కొంచేం ఎక్కువ పాకేజ్‌తో జాబ్ ఓపెనింగ్స్ ఉంటాయి.
సి.ఎస్.ఇ. వాళ్ళ జాబ్ ఓపెనింగ్స్, డాటా అనలిస్ట్, సాఫ్ట్‌వేర్ డెవలపర్, సాఫ్ట్‌వేర్ ఇంజనీర్, సిస్టం ఇంజనీర్ మొదలైనవి.
ఐ.టి. వాళ్ళకు ఫైనాన్స్, మెడిసిన్, డిఫెన్స్ మొదలైన రంగాల్లో ఆపర్టూనిటీస్ ఉంటాయి.
చివరగా, ఎవరు ఏ బ్రాంచ్ తీసుకోవాలి అన్నపుడు,
కోడింగ్ అండ్ లాజికల్ థింకింగ్ ఉన్నవాళ్ళు సి.ఎస్.ఇ. ని, టెక్నికల్ సైడ్ ఎక్కువగా ఇంటరెస్ట్ ఉన్నవాళ్ళు ఐ.టి. ని తీసుకోవచ్చు.

వెబ్ డిజైన్ మరియు వెబ్ డెవలప్‌మెంట్ : ఈ రెండింటి మధ్య తేడా ఏమిటి?

పేరుకు తగ్గట్టు వెబ్ డిజైన్ అనేది వెబ్‌సైట్ యొక్క ముస్తాబు మరియు యుజర్ ఇంటర్ఫేస్ గురించి మాత్రమే ఆలోచిస్తుంది. వెబ్ డిజైనర్లు వెబ్‌సైట్ యొక్క లేఅవుట్ మరియు ఇతర విజ్యువల్ ఎఫెక్ట్స్ రూపొందించడానికి అడోబ్ ఫోటోషాప్ వంటి వివిధ డిజైన్ ప్రోగ్రామ్‌లను ఉపయోగిస్తారు.

మరోవైపు వెబ్ డెవలపర్లు, వెబ్‌సైట్ డిజైన్ లేక మోడల్ ఆధారంగా పని మొదలుపెట్టి వెబ్‌సైట్ డిజైన్ లోని వివిధ ఎలిమెంట్స్‌కు జీవం పోస్తారు. వెబ్ డెవలపర్లు HTML, CSS, జావాస్క్రిప్ట్, PHP మరియు ఇతర ప్రోగ్రామింగ్ భాషలను ఉపయోగిస్తారు.

వెబ్ డిజైన్

వెబ్ డిజైనర్లు ఎల్లప్పుడూ క్లయింట్ యొక్క వెబ్‌సైట్ లక్ష్యాలను పరిగణనలోకి తీసుకొని ప్రారంభించి, ఆపై వెబ్‌సైట్ లో ఉంచాల్సిన ఇంఫర్మేషన్ యొక్క అర్డర్ సెట్ చేయడానికి మరియు డిజైన్ ప్రాసెస్‌కు గైడ్ చేయడంలో సహాయపడటానికి ఇన్ఫర్మేషన్ ఆర్కిటెక్చర్ (IA) కు వెళ్లాలి. తరువాత, వెబ్ డిజైనర్లు వైర్‌ఫ్రేమ్‌లను సృష్టించడం ప్రారంభించి చివరకు డిజైన్ దశకు వెళ్లవచ్చు. వెబ్ డిజైనర్లు సౌందర్యంగా ఆహ్లాదకరమైన లేఅవుట్ సాధించడానికి అనేక ప్రాథమిక డిజైన్ సూత్రాలను ఉపయోగించవచ్చు, తుదకు ఇది అద్భుతమైన యూజర్ ఎక్ష్‌పీరియన్స్ ని అందిస్తుంది.

డిజైన్ సూత్రాలు

Balance – వెబ్ డిజైనర్లు లేఅవుట్ డిజైన్ లో సమతుల్యత లేక బలెన్స్ మెయింటైన్ చేయడం చాలా ముఖ్యం. సమతుల్య వెబ్‌సైట్ రూపకల్పనలో మేము భారీ (పెద్ద మరియు ముదురు రంగులు) మరియు కాంతి (చిన్న మరియు తేలికపాటి రంగులు) అంశాలను సరైన నిష్పత్తి లో ఉపయోగించడం చాలా అవసరం.

Contrast - కలర్ థియరీలో, పరపర విరుద్ధమైన రంగులు కలర్ సర్కిల్లో ఒకదానికొకటి ఎదురుగా ఉంటాయి.  వెబ్‌సైట్‌లోని కొన్ని విభాగాలను ఎలివేట్ చేయడానికి మరియు వ్యూయర్స్ దృష్టిని ఆకర్షించడానికి డిజైనర్లు విభిన్న సైజ్ మరియు షేప్స్ ను ట్రై చేస్తారు.

Highlighting – వెబ్‌సైట్ లేఅవుట్ యొక్క కొన్ని ముఖ్యమైన అంశాల యొక్క ఉద్దేశపూర్వక “హైలైటింగ్” లో స్థాపించబడిన డిజైన్ సూత్రాలు. వెబ్ పేజీలో దేన్ని హైలైట్ చేయాలో దేన్ని చేయకూడదో డిసైడ్ చేసుకొని దాన్ని బట్టి ఫార్మాటింగ్ ఆప్షన్స్‌ను వాడాలి. అంతేకాని, ఇష్టమొచినట్టు కలర్స్ వాడడం సరి కాదు.

Consistency – దీన్నే రిపిటీషన్ లేదా రిథం అని కూడా పిలుస్తారు. కన్‌సిస్టెన్సీ అనేది క్లిష్టమైన వెబ్ డిజైన్ సూత్రం. ఉదాహరణకు, క్లీన్ మరియు స్థిరమైన నావిగేషన్ మీ వెబ్‌సైట్ సందర్శకులకు ఉత్తమ యూజర్ ఎక్ష్‌పీరియన్స్‌ను అందిస్తుంది.

Unity – యూనిటీ అనేది వెబ్‌సైట్ లేఅవుట్ యొక్క వివిధ భాగాలకు మరియు మొత్తం వెబ్‌సైట్ సంకలనానికి మధ్య ఉన్న సంబంధం.

వెబ్ డెవలప్‌మెంట్

వెబ్ డెవలపర్లును కొన్నిసార్లు ప్రోగ్రామర్లు అని కూడా పిలుస్తారు. డిజైన్‌ చేయబడిన వెబ్‌సైట్ ని ఒక ప్రాణం లేని ఒక ఫొటో గా భావించండి. డెవలపర్లు ఆ డిజైన్‌ను తీసుకొని దాని చిన్న భాగాలుగా విభజిస్తారు. తరవాత వారు HTML తో వెబ్‌సైట్ పేజీలను తయారు చేసి PHP వంటి ప్రోగ్రామింగ్ భాషలను వాడుకొని డైనమిక్ వెబ్‌సైట్ తయారు చేస్తారు. అంతేకాకుండా, డెవలప్‌మెంట్ ను ఈజీగా మేయింటైన్ చేయడానికి మరియు కస్టమర్స్ కే వారి వెబ్‌సైట్ ను కొద్దిగా నిర్వహించుకొనే వేసులుబాటు అందించడానికి WORDPRESS లేదా ZOOMLA వంటి కంటెంట్ మేనేజ్‌మెంట్ సిస్టమ్ (CMS) లను ప్రస్తుత వెబ్ డెవలపర్స్ వాడుతున్నారు.